(YXNK) لەمەخموور كێشەی خوێندنی خێرا چارە سەر دەكات

تایبەت بە مەخموور پرێس

   دوای ئەوەی دەرچووانی قۆناغی سێیەمی خوێندنی خێرا(نەوجەوانان) قۆناغی چوارەمیان بۆ نەكرایەوە،گرفتی بۆ خوێندەڤانانی دەرچووی قۆناغی سێیەم دروستكرد،لقی قەرەچووغی)یەكێتی خوێندەڤانانی نەتەوەیی كورستانYXNK-) لەرێگەی پەروەردەی مەخموور هەڵسا بەچارەسەركردنی كێشەكە و بۆ ئەم مەبەستە لەلێدوانێكیدا بۆ سایتی (مەخموور پرێس) هەڤاڵ(كارزان ئیسماعیل) بەرپرسی لقی قەرەچووغی یەكێتی خوێندەڤانانی نەتەوەیی كوردستان) گوتی: دوای ئەوەی بە كێشەكەمان زانی پەیوەندیمان بە خوێندەڤانەكان كردو لەتەواوی مەسەلەكە گەیشتین و پاشان لەگەڵ مامۆستا( ئیسماعیل محەمەد) بەڕێوەبەری خوێندنگاكەش دانیشتین و چەند جارێك سەردانی پەروەردەی مەخموورمان كرد،لەگەڵ مامۆستا (شۆرش خدر) بەڕێوەبەری پەروەردە و سەرپەرشتیار مامۆستا (جەلال) كۆبوونەوەمان كرد و قسەمان لە سەر كێشەكە كرد،كە كێشەكان بریتی بوون لە نەكردنەوەی  قۆناغی چوارەم و نەبوونی مامۆستا و پرۆگرام،تەنانەت دوایین جار خۆم چوومە پەروەردەو رەزامەندیم لە سەر وەرگرتنی كتێب وەرگرت و چووم لە كۆگا كتێبم بۆیان وەرگرتوو (مامۆستا ئیسماعیل)یش هات و كتێبەكانم بۆ بردنەوە بۆ خوێندنگاكەیان ،بەم كارە توانیمان كۆمەڵێك خوێندەڤان لەو قەیرانەیان رزگار بكەین،بەڵێنی ئەوەش دەدەین ،كە هەمیشە لە خزمەت خوێندەڤانان و چارەسەر كردنی كێشەكانیان دابین لەبوونی هەر كێشەیەك با ئاگادارمان بكەنەوە، لە خزمەت ئەوان دادەبین و ئامادەین گرفتەكانیان چارەسەر بكەین.